宁德市图书馆

男：忖娘忖到靴，衫仔有着拁来袈，
  茫茫车车喊是路，草仔嗫嗫喊是蛇。
  忖娘忖到嘺，衫仔有着枷来飘，
  茫茫车车喊是路，草仔嗫嗫喊是蛸。
  女：有愆好做愆，土鳅覅会变田蝉，
  你姆养你怜俐仔，做乇怪生听娘骗。
  茅蓁覅会做得排，揾州草笼覅是鞋，
  你姆养你怜俐仔，做乇怪生听娘呔。
  男：冇缘覅使讲有缘，莫害郎眼仰到穿，
  马画壁上覅会跑，柴雕老虎劢拁羊。
  冇缘覅使讲有意，莫害郎眼仰到眉，
  马画壁上覅会跑，柴雕老虎劢拁猪。
  女：夜里做梦睇看郎，睇着郎耒笑茫茫，
  慌里慌张背起走，好似老虎拁山羊。
  夜里做梦睇着妻，睇着郎来笑眯眯，
  慌里慌张背起走，好似老虎拁山猪。
  男：老虎拁猪冇怪慌，枷到半路都覅放，
  放落断言劢开口，柴头木啄害上张。
  老虎拁猪冇怪气，枷到半路覅放佢，
  放落断言劢开口，柴头木啄害掉去。
  女：柴头木啄害冤深，娘讲情义值千金，
  口渴难等人开井，肚饥难等担饭人。
  柴头木啄害上张，郎讲情义值千两，
  口渴难等人开井，肚饥难等担饭郎。
  男：你郎那是尔忖我，怕了一时冇尔快，
  回转家堂办手术，又怕你娘覅爱我。
  你娘那是尔忖郎，怕了一时也加难，
  回转家堂办手术，又怕你娘覅爱郎。
  女：好落娘楼过条坑，娘楼石栋起官厅，
  牛鼻给人桊去了，搦掉娘心逍越仙。
  好落娘楼过条桥，娘楼石栋起官楼，
  牛鼻给人桊去了，搦掉娘心逍越头。